Hvað er markaðssetning á leitarvélum (SEM)?
Markaðssetning á leitarvélum, eða Search Engine Marketing (e. SEM) er markaðsaðferð notuð til að auka sýnileika á leitavélum. Hvort sem um ræðir kynningu og auglýsingar fyrir vefsíðu fyrirtækis, sérstakt tilboð, þjónustu eða vöru.
Markaðsetning á leitarvélum eru kostaðar niðurstöður þar sem greitt er fyrir smellina (e. Pay Per Click, PPC).
Markaðssetning á leitarvélum er ekki það sama og leitarvélabestun (e. SEO), sem snýr að bestun vefsíða til að koma þeim hærra upp í lífrænum leitarniðustöðum (e. Organic Search Results).
SEM hjálpar fyrirtækjum að vekja athygli notenda á vörum sínum og þjónustu með greiddum leitarvélaauglýsingum. SEM er markaðsstefna á netinu þar sem fyrirtæki kaupa markvisst auglýsingapláss efst á leitarniðurstöðusíðum (e. Search Engine Result Page, SERP). Þessi nálgun er frábrugðin SEO, sem einbeitir sér að því að fínstilla efni fyrir algorithma leitarvéla svo efnið birtist ofarlega á síðum leitarvéla.
Google, Bing og Yahoo eru vinsælustu leitarvélarnar. Hver notar uppboðsferli til að ákvarða hvar SEM auglýsingar eru staðsettar á leitarniðustöðusíðum þeirra.
Notendur hafa tilhneigingu til að takmarka smelli við fyrstu síðu (topp 10) af lífrænum leitarniðurstöðum og sérstaklega þrjár efstu á þeirri síðu. Þó svo notendur hafi tilhneigingu til að smella sjaldnar á greiddar niðurstöður en lífrænar, geta greiddar niðurstöður myndað umferð sem ekki er hægt að ná jafn hratt með því að framkvæma hefðbundna leitarvélabestun (SEO). Fyrirtæki sem eru háð vefumferð fyrir tekjur líkt og eCommerce netverslanir eða til að byggja lista af mögulegum viðskiptavinum (e. Leads) líkt of B2B fyrirtæki verða að birtast ofarlega á leitarniðurstöðusíðum, svo fyrir þessi fyrirtæki er skynsamlegt að íhuga bæði SEM og SEO til að ná tilætluðum viðskiptaárangri.
SEO vs SEM
SEO og SEM eiga það sameiginlegt að markmiðið er að birtast ofarlega í leitarniðurstöðum. Hins vegar eru þetta greinilega mismunandi markaðsaðferðir.
SEO
SEO er aðferðin við að skipuleggja og leitarvélavæna vefsíðuefni þannig að það birtist ofarlega í lífrænum leitarniðurstöðum, þ.e. ógreiddar niðurstöður á leitarniðustöðusíðum.
Helstu einkenni SEO eru eftirfarandi:
- SEO er byggt á takmarkaðri þekkingu á röðunarþáttum leitarvéla t.d. algorithma Google
- SEO aðferðir eru í stöðugri þróun til að halda í við breytingar algorithma leitarvélar
- SEO-drifnar niðurstöður eru beint fyrir neðan greiddar leitir
- Árangursrík SEO byggir á því að búa til gagnlegt, opinbert og traust efni.
- SEO sérfræðingar taka skref eins og eftirfarandi:
- Auka fjölda ytri vefsíðna sem tengjast síðu, betur þekkt sem baktenglar
- Bera kennsl á og bæta viðeigandi leitarorðum við efni
- Auka traustverðugleika sem byggjast á öryggi, veftraffík og þátttöku notenda
- Tryggja að vefsíðan veiti góða notendaupplifun (UX)
Vantar þig áhrifaríka leitarvélabestun?
Við greinum og leitarvélabestum vefsíðuna þína.
Kynntu þér þjónustuna
SEM
SEM einbeitir sér að miklu leyti að því að nota greiddar auglýsingar til að auka umferð í gegnum þjónustu eins og Google auglýsingar eða Bing auglýsingar.
Helstu einkenni SEM eru eftirfarandi:
- SEM, eins og SEO, er byggt á leitarorðagreiningu. Sérfræðingar bera kennsl á leitarorðahugtök sem gætu dregið notendur að vefsíðu. Þeir kaupa síðan auglýsingapláss á niðurstöðusíðunum frá leitarvélaveitunni fyrir leitarskilyrðin sem þeir vilja miða á.
- SEM greiddar leitarniðurstöður fara efst á síðuna í leitarniðurstöðum
Vantar þig Google Auglýsingar?
Við hönnum og sjáum um auglýsingaherferðina þína.
Kynntu þér þjónustuna
Hvernig virkar markaðssetning á leitarvélum?
Starfsfólk í markaðsmálum bera fyrst kennsl á leitarorð með nægu leitarmagni (e. Search Volume) og kaupa síðan auglýsingapláss á leitarvélum fyrir þessi leitarorð. Í þessum herferðum er greitt fyrir hvern smell sem þýðir að greiðsluaðili borgar leitarvélaveitunni í hvert skipti sem notandi smellir á auglýsingu í leitarniðustöðum.
SEM auglýsingar eru settar efst á síðuna í leitarniðustöðum, fyrir ofan lífrænar niðurstöður sem SEO mynda. Þær virðast svipaðar lífrænum niðurstöðum og innihalda eftirfarandi eiginleika:
- Fyrirsögn eða Titill
- Samantekt á innihaldi vefsíðunnar, betur þekkt sem metalýsing
- Texti eða hnappur sem hvetur notendur til að framkvæma ákveðnar aðgerðir (e. Call to Action, CTA) t.a.m. kaupa vöru, gerast áskrifandi, hringja, o.s.frv.
- Smellanlegar Vefslóðir
Mikilvægi SEM
Markaðssetning á leitarvélum er mikilvæg af eftirfarandi ástæðum:
- Stafræn markaðssetning: Netkaup eru ein vinsælasta verslunarleið fyrir viðskiptavini. SEM herferðir reyna að auka umfang stafrænnar markaðssetningar með því að bera kennsl á og nota leitarorð sem munu laða að fólk sem er líklegast til að hafa áhuga á vöru eða þjónustu fyrirtækis. Í meginatriðum miða SEM herferðir á arðbærustu leitarorðin.
- Hátt viðskiptahlutfall: Einn helsti kostur SEM er að þessi markaðsaðferð staðsetur vöru fyrirtækis beint fyrir framan viðskiptavini þegar þeir eru tilbúnir að kaupa. Til dæmis, með því að kaupa auglýsingu fyrir leitarorð vöru líkt og “kaffivéll” munu viðskiptavinir sem vilja kaupa kaffivél á netinu sjá vöruauglýsingu fyrirtækisins fyrst. Með SEM eru góðar líkur á því að gestir sem smella á auglýsingu vilji kaupa og með því eykst viðskiptahlutfall (e. Conversion Rate) fyrirtækisins.
- Hraði: SEM stefna eykur oft umferð hraðar en SEO. SEM setur vörur og þjónustu beint fyrir framan viðskiptavini strax með því að setja þær efst á SERP.
- PPC líkan: PPC viðskiptamódelið er hagkvæm stefna sem gerir fyrirtækjum kleift að greiða aðeins þegar smellt er á auglýsingu þeirra. Fyrirtæki geta líka stjórnað nákvæmlega hversu miklu þau eyða með því að stilla hámarkskostnað á smell (CPC) og daglegt kostnaðarhámark.
- Aukin lífræn röðun og traustmerki: Aukin umferð á vefsíðu í gegnum greiddar auglýsingar eykur heildarumferð á síðu og eykur traustmerki til Google. Ef vöru gengur vel í gegnum SEM herferð getur það haft jákvæð áhrif á lífræna stöðu vörunnar á leitarniðustöðursíðu, sem dregur úr mikilvægi SEM.
- Markhópar: Fyrir utan leitarorð geta SEM herferðir stjórnað hvaða landfræðilegri staðsetningu, tungumáli og nethegðun á að miða á, og tryggt að þær nái aðeins til þeirra notenda sem gætu haft áhuga á vöru þeirra eða þjónustu.
- Gögn og innsýn: Verkfæri eins og Google Analytics gefa fyrirtækjum mjög nákvæmar skýrslur um ástand og þróun SEM herferða í rauntíma. Þetta gefur gagnlega innsýn í hvernig SEM auglýsingaherferð skilar árangri, sem hjálpar fyrirtækjum að greina hvernig þau gætu bætt herferð sína.
Ókostir SEM
Líkt of allar markaðsaðferðir hefur SEM sína galla og áskoranir, þar á meðal eftirfarandi:
- Kostnaður: Jafnvel með hagkvæmum viðskiptamódelum eins og PPC getur SEM orðið dýrt með tímanum, þar sem fyrirtæki þurfa að borga í hvert skipti sem smellt er á auglýsingu þeirra. Með SEO er ekki greitt fyrir smelli eða röðun.
- Samkeppni: Eftir því hver markhópur herferðarinnar er getur það orðið krefjandi og dýrt að kaupa auglýsingar og tryggja efsta sætið á toppi leitarniðustöðusíðu. Því meiri sem samkeppnin er um efsta auglýsingasætið því hærri verður kostnaður á smell og annar tengdur kostnaður.
- Traust viðskiptavina og auglýsingavörn: Margir notendur hafa ekki gaman af eða treysta ekki auglýsingum og loka á þær með auglýsingavörnum (e. Ad Blockers). Auglýsingar eru oft taldar vera truflandi og minna áreiðanlegar en innvær markaðssetning (e. Inbound Marketing) sem mynda lífrænar leitarniðurstöður á leitarvélum.
SEM leitarorðarannsókn
Árangursríkar SEM herferðir eru háðar því að bera kennsl á og kaupa auglýsingapláss á áhrifaríkustu leitarorðunum sem tengjast vöru eða þjónustu. SEM leitarorðarannsókn er byggð á leitarásetningi (e. Search Intent). Ásetningur leitar vísar til hvaða aðgerða notandi er líklegur til að grípa til þegar hann leitar að tilteknu leitarorði. SEM stefnur leggja áherslu á að bera kennsl á og nota leitarorð sem eru líklegust til að ná til notenda sem eru tilbúnir að kaupa.
Sérfræðingar nota ýmist tólk til að finna mikilvægustu leitarorðin, þar á meðal:
- Google Ads Keyword Planner
- Google Trends
- Semrush
- Ahrefs
Árangursrík leitarorðarannsókn getur einnig hjálpað til við að bera kennsl á og forðast neikvæð leitarorð. Þetta eru leitarorð sem eru ólíkleg til að ná til mögulegra viðskiptavina.
Hvernig virka auglýsingauppboð?
Fyrir Google, Bing og Yahoo verða allar auglýsingar að fara í gegnum uppboðsferli (e. Ad Auction) sem fer fram í hvert sinn sem notandi leitar. Til dæmis notar Google auglýsingauppboðið marga þætti til að ákvarða hvaða auglýsing fer efst í a leitarniðustöðusíðu, þar á meðal gæðastig (e. Quality Score) sem auglýsing fær á Google Ads.
SEM herferðin með hæsta kostnaðarhámarkið nær ekki alltaf efsta sætinu. Keppendur með lægra tilboð geta unnið auglýsingapláss ef innihald auglýsingar þeirra á betur við leitarorðið. Sumir af þáttunum sem ákvarða röðun lífrænna leitarniðustaða koma einnig við sögu á uppboði Google auglýsinga, svo sem traustmerki og vefumferð.
Þegar leitarorð hafa verið fundin fyrir SEM herferð getur hún farið í uppboðið fyrir þessi leitarorð. Uppboð á leitarvélum fylgja almennt þessum fjórum skrefum:
- Tilboð (e. Bidding): Fyrir SEM herferð er sett inn hámarksupphæð sem auglýsingaaðili er tilbúinn að borga fyrir leitarorð.
- Gæðastig: Svæði eins og Google Ads gefa auglýsingu og vefsvæði sem hýsir hana einkunn út frá þeim leitarorðum sem notuð eru, notendaviðmóti vefsíðunnar, hversu gagnlegt efnið á áfangasíðu auglýsingarinnar er og upplýsingum svo sem símanúmerum og tenglum sem gætu nýst gestum. Google hefur einnig gæðaþröskulda sem auglýsingar verða að uppfylla til að fá ákveðna auglýsingastöðu.
- Samhengi: Vegna þess að uppboð eiga sér stað í hvert sinn sem notandi leitar, taka leitarvélar eins og Google og Bing einnig til samhengisupplýsinga við ákvörðun á röðun auglýsingar. Þetta felur í sér staðsetningu þess sem leitar, leitarsögu, tíma leitarinnar og tækið sem notað var til að framkvæma leitina.
- Auglýsingastaða: Auglýsingastaða er veitt .eim sem býður í leitarorð. Vegna allra þeirra mælikvarða sem Google telur til viðbótar við verð tilboðsins er ekki tryggt að hæsta auglýsingastaðan fari til hæstbjóðanda.
Framkvæmd SEM herferðarstefnu
Til að búa til árangursríka SEM stefnu eru notaðar margvíslegar aðferðir og verkfæri, þar á meðal eftirfarandi:
- Leitarorðarannsóknir: Fyrsta skrefið í SEM herferð er að fyrirtæki skilgreini áhrifaríkustu leitarorðin til að kaupa auglýsingapláss fyrir. Þetta er hægt að gera með því að nota leitarorðarannsóknartæki á netinu. Einnig ætti að gera rannsóknir á auglýsingum samkeppnisaðila og landfræðilegum upplýsingum um markhópa.
- Fjárhagsáætlun: Fyrirtæki búa til kostnaðarhámark fyrir auglýsingaherferðina og setja hámarkstilboðsupphæð.
- Auglýsingahópar: Fyrirtæki sem auglýsir nokkrar vörur eða þjónustu gæti þurft að skipuleggja vörur sínar í nokkra auglýsingahópa (e. Ad Groups) þ.e. margar auglýsingar í herferð sem deila svipuðum markmiðum. Þessi aðferð er hagkvæmari en að setja hvert einasta leitarorð í eina auglýsingu, sem getur verið dýrt.
- Hönnun og prófun lendingarsíðu: Hverja auglýsing þarf að tengja við lendingarsíðu þar sem varan er. Það er góð hugmynd að búa til lendingarsíðu sem notar mikilvæg leitarorð og veitir góða notendaupplifun. Hægt er að nota A/B prófun til að fínstilla mælikvarða eins og tekjur á síðu og meðalverðmæti pöntunar.
- Hönnun auglýsingar: Næsta skref er að búa til auglýsingu fyrir auglýsingahóp sem byggir á leitarorði og keppinautarannsóknum.
- Tilboð sett fram: Þegar auglýsing hefur verið búin til er tilboð sett inn á leitarvélauppboð.
- Eftirfylgni: Lokaskrefið er að fylgjast með frammistöðu auglýsingarinnar með greiningartækjum eins og Google Analytics. Þessi verkfæri gera fyrirtækjum kleift að fylgjast með árangri leitarorða og gera breytingar á auglýsingunni, leitarorðum sem notuð eru eða öðrum þáttum herferðarinnar.
Við vonum að þessar upplýsingar komi að góðum notum.
Lærðu meira:
Vantar þig áreiðanlegan samstarfsaðila?
Við sjáum um stafræn markaðsstörf fyrir lítil og stór fyrirtæki.
Kynntu þér þjónustuleiðirnar okkar.
